Ukitu Hazkuntza Eredua

Bizitza sortzaile eta burujabe baterako gonbidapena

Jose Ramon Mauduit Agirrezabalaren azken lana, Ukitu Hazkuntza Eredua: Sormenezko bizitza baterako laguntzeko artea, giza garapenaren ikuspegi eraldatzaile eta integratzailea da. Egileak azpimarratzen du bizitza autorregulatu, osasungarri eta sortzaile baten oinarriak haurdunalditik 3-4 urte bitarteko aldi kritikoan eraikitzen direla.

Liburuak Ukitu Eredu berritzailea aurkezten du, ukitzeak dakarren eragin emozionaletik abiatzen den heziketa-proposamen bat. Funtsezko formulak adierazten duen moduan:
Ukitu + Sentitu = Kokatu, hau da, kontaktuaren eta emozioaren bidez norbere burua kokatzeko bide bat eskaintzen da.

Egileak bi antolatzaile nagusitan ardazten du bere proposamena:

Gizakiak berez dakarren programazio neuronalarekiko begirunea.
Helduaren lagun egite instintiboa, haur bakoitzaren erritmo eta motibazio propioari egokitua.

Filogenesiaren (eboluzioaren historia) eta ontogenesiaren (banakoaren garapena) berrikuspenetik abiatuta, Bio-matrizera heltzen da testua: gurasoek, haurdunalditik bertatik, elkarrekikotasun enpatikoa eta egoten jakitea izaten uzteko gaitasuna landu behar dutela proposatzen du egileak. Bide horretan, Ukitu Masajea bezalako tresna praktikoak eskaintzen ditu, kontaktu segurua eta afektiboa sustatzeko.

Helburu nagusia? Norbanakoaren eta kolektiboaren burujabetza, eta horren oinarri den zaintza garatzea. Mauduiten arabera, bide hau da gizarte gizatiarrago eta elkarlanean oinarrituago batera iristeko giltza, botere- eta sumisio-dinamika patriarkaletatik urrunduz.

📅 Liburuaren aurkezpena:
Urriak 2, 18:30etan, Kaxilda Liburudenda (Arroka Kalea, 2. Donostia)

Haurtzaroa aldi garrantzitsua da. Gaur egun badakigu bizitzako garai honetan gertatzen direla aldaketarik handienak, bai hazkundeari, bai heldutasunari dagokionez. Orduantxe garatzen baitira helduen etorkizunaren sustraiak.

Inork ez du eskatu mundura etortzea

Baina bai erabaki norbait ekartzea

Erantzukizuna dakar zaindu ta hezitzea

Maitatua izanik maitatzen ikastea

Manuel Mauduit

Mundura jaiotzen gara bikote batek, askatasun osoz eta baldintza onenetan, izaki bat sortzera erabakitzen duenean. Continuum baten baitan ulertzen dugu jaiotza. Horrek suposatzen du gaurko haurrak, etorkizuneko helduak izango direnak, bere gurasoez gozatzeko aukera izan dutela; zeinahi baldintza sozialetan beraien erritmo biologikoak eta eskubideak errespetatuz.

Haurtxoak ez luke bidea egin behar bakarrik, ez haurdunaldian, ezta erditzean edota bizitzako lehen urteetan.

Haurdunaldi bizi eta kontzientea

Haurdun zaudela, zure haurdunaldia modu kontzientean bizitzen laguntzen dizugu, zure sabelean duzun izakiarekin harremanetan jartzeko gaitasuna eta enpatia areagotu dezazun. Erditzea, erabateko esperientzia bizia eta emozionala da. Horren gainean dituzun zalantza eta kezka guztiak ere kontuan hartzen ditugu.

Taldeko saioetan, gizonak erditzera gonbidatzen zaituztegu ere, esperientzia berri honek sortzen dituen emozioak eta sentimenduak bizi eta adierazi ditzazuen.

HAURDUNALDI, ERDITZE ETA HAZIERA TALDEAK

Erditu ondoren zuekin
jarraitzen dugu

Erditzea pasabide bat baino ez da

Baina erditu eta gero…zer ? Bizi duzuen tsunami emozionalaren erdian bakardade handi batekin aurki zaitezkete, eta ezinbestekoa izango zaizue haurraren erritmora egokitzea. Horretarako gakoa haurrarekin komunikazio eta harreman osasungarria bat sortzean egongo da, patxadatik eta haurraren erritmoa errespetatzetik abiatuta.

Horretarako inportantea da zuen haurrarekin komunikazioan oinarritzen den harreman osasungarria eraikitzea, lasaitasunetik eta bere erritmoa errespetatzetik.

Arazorik gabe bizi izan baduzue haurdunaldia eta erditzea, baina ondoren zailtasunak sortu izan badira haurraren erritmora ohitzerakoan edota edoskitzerakoan….
Egoera traumatikoak bizi izan badituzue, erditze distozikoak direla (forzeps, bentosak, espatulak, erditze zailak, zesarea…) edota ezusteko osasun arazoren batekin jaio delako haurra

Kasu horietan guztietan sar zaitezkete gure haziera taldeetan, nahiz eta aurretik haurdunaldi taldeetan parte ez hartu. Hazkunde-garai bakoitzak bere ezaugarri eta premiak ditu, eta horiek dira, garapenaren faseak kontuan hartuta, haziera-taldeetan lantzen dugunak.

Haziera taldeak

Haurtxoa heldugabea dela badakigu. Kontaktua behar duela badakigu, baita lotura afektiboa sortzea. Bizitzako une erabakigarri horien garrantziaz jabetzen gara.

Jakintza horiek belaunaldiz belaunaldi helarazi zaizkigu, eta egun neurobiologia, neurozientzia eta fisiologiaren berme zientifikoa dute.

Haurdunaldi, erditze eta hazieraren alde emozionalak kontuan hartzeak bere horretan prebentzioa lantzea suposatzen du.

UKITU masajea
Ukitu + sentitu = kokatu

Zuen haurtxoaren garapen armonikoaren oinarriak finkatzeko dugun esku-hartzea

Ukitu Masajearekin haurtxoaren garapen fisiko, emozional eta mentala errazten ditugu. Eta honetarako balioko digu ere:

Haurtxoaren gaitasunak kontuan hartzeko.
Haurtxoarekin duzuen komunikazioa errazteko, espresio, mugimendu, mimika, ahotsa eta jolasaren bidez.
Haurdunaldian edota erditzean izaki berriak bizi ahal izan dituen tentsioak samurtzeko, arintzeko eta bideratzeko.

Haziera taldeekin gure UKITU Masajea irakatsiko dizuegu, hasieratik eta lehen urteetan, zuen haurrari eman diezaiozuen.

Inportanteena da etxean lasai egotea, horretarako ezinbestekoa duzue ingurune lagungarri bat sortzea, haurrarekiko harremana eraikitzeko, azala azalarekin egonez, masajea emanez, elkarri begietara begiratuz… Gurasoen adierazteko moduak areagotzen doazen heinean, aberastu egiten da harremana ere. Espresuki, masajeak heltze-prozesu zefalo-kaudala hartzen du kontuan, eta bermatu egiten du hezur-egitura, zentzumenen funtzio hierarkikoa bultzatzen du pertzepzio atalaseak aintzat hartuta eta horien integrazioa ahalbidetuz.

Testigantzak

Erditzeko unea iritsi zenean nahiko zaila izan zen. Hazi Heziko erditzearen prestaketan egon ginen, eta horrek asko lagundu zigun niri eta nire bikotekideari mentalizatzen; izan ere, lehen semea izanik, ez dakizu zehazki datorkizunari nola heldu. Beraz, Hazi Hezi gabe ez genuke berdin ikusiko eta nire bikotea ez zen horrenbeste inplikatuko. Taldeak ondo etorri zitzaizkigun errealitatean, gure momentuan egoteko eta gure egoera berean zegoen jendearekin egoteko.

María

Ramonekin lan berezia egin genuen den-dena askatzeko, eta horrela deskubritu genuen Lurren ondoeza erditzetik zetorrela. Urduri ikusten genuen gure umea eta gaitz guztien jatorria erditzean zegoen, hein batean ere guk erditzearekin genuen obsesioan. Dagoeneko gainditu dugu Ramonekin egindako lanari esker.

Naiara y Joseba

Haurdunaldiaren hirugarren hilabetean joan nintzen Hazi Hezira. Cristinak egin zidan elkarrizketa eta niretzat inportantea izan zen ez zidalako gehiegi galdetu ezta ebaluatu ere. Aldiz hausnarketa egitera gonbidatzen zaitu ziurta dezazun zeren bila zabiltza, zer behar dituzun, nolako heziera nahi duzun. Ondoren taldean hasi ginen eta bikotekidearekin joateak asko laguntzen du.

Nere

Previous Next